|
CARTA DE LA TERCER EDICIÓN DEL
FORU MUNDIAL D’EDUCACIÓN
CONSTRUYENDO UNA PLATAFORMA MUNDIAL DE
LLUCHES
El Foru Mundial
d’Educación ta orgánicamente organizáu col Foru Social
Mundial, porque, pa otru mundu posible, otra educación ye
posible.
Los principios, oxetivos
y metodoloxíes d’esa otra educación posible tán siendo
construyíos en dellos alcuentros y espresos en documentos
como la carta de Porto Alegre 2001 y 2003, Declaración de
Québec 2001, Declaración de São Paulo 2004, declaración del
IV Congresu de la Internacional d’educación 2004, ente
otros.
Llegó la hora d’avanzar
na llucha mundial a favor del Derechu Universal a la
Educación.
-
Afítase’l derechu
Universal a una Educación Emancipadora.
-
Afítase’l plenu ya
inalienable derechu a la educación pública, de calidá
social pa toos y toes.
-
Esíxese la garantía
d’accesu y permanencia y el derechu a deprender na
escuela.
-
Esíxese la
democratización de los conocimientos y saberes en
beneficiu de tola humanidá.
-
Refúgase cualquier
forma de privatización y mercantilización de la educación,
la ciencia y la teunoloxía.
-
Condérgase
l’apropiación illexítima de los saberes populares y los
conocimientos de les comunidaes natives.
-
Afítase la centralidá
de la educación pa los derechos humanos, la xusticia y la
paz.
La tercer edición del
Foru Mundial d’Educación garra y da puxu a estos principios:
-
La Educación ye un
derechu humanu prioritariu ya inalienable y pa tola vida.
-
Esi derechu ye esencial
pal accesu a los demás derechos, pa la igua de valores
solidarios, pa la emancipación y l’exerciciu de la
ciudadanía.
-
Les polítiques
públiques han asegurar la concreción d’esos derechos.
-
Los estaos tán obligaos
a garantizar de forma universal y gratuita, ensin
discriminación y esclusión, el plenu derechu a una
Educación pública, emancipadora en tolos niveles y
modalidaes.
Frente a eso proponemos
esta axenda de lluches:
-
Defender
intransixentemente la educación pública en tolos ámbitos y
la obligación intransferible del Estáu de garantizala.
-
Articular un movimientu
mundial en defensa y promoción de la educación pública y
gratuita en tolos niveles y modalidaes.
-
Refugar cualquier pautu
nacional ya internacional qu’afale la mercantilización de
la educación, conocimientu, ciencia y teunoloxía,
particularmente no que cinca al comerciu y servicios de la
OMC.
-
Refugar los programes
d’axuste estructural que presionen los gobiernos pa
esguazar los servicios públicos.
-
Refugar la inxerencia
de les empreses nacionales y multinacionales del sistema
educativu públicu.
-
Entamar aiciones que
reconozan la singularidá de los suxetos y comunidaes, y
que garanticen la igualdá d’accesu a la educación
considerando la diversidá de xéneru, etnia y cultura,
considerando la potencialidá educacional de los espacios
non escolares.
-
Esixir la igualdá de
xéneru nel accesu a la educación y a los espacios de
decisión de les polítiques públiques.
-
Entamar aiciones de
llucha escontra’l racismu y les diferencies de clas
social.
-
Presentar a los
gobiernos nacionales una axenda que dea puxu a los
programes pa la eliminación del analfabetismu, pola
inclusión educacional de la población más escluyío y
escontra la esplotación del trabayu infantil.
-
Articulación col Foru
Social Mundial y otros Foros de lluches pa garantizar que
les esperiencies, calificaciones y saberes de los
trabayadores/as seyan reconocíos.
-
Esixir de los gobiernos
la valorización de los trabayadores/as de la educación,
respetu de los sos derechos profesionales y garantía de
condiciones dignes de trabayu.
-
Defender una forma
d’Educación profesional que refuga la lóxica de la
emplegabilidá y qu’inclúi les dimensiones ética, estética
y política.
-
Esixir la
democratización de la xestión d’instituciones públiques y
de les polítiques sociales sobre manera les educacionales,
xunciéndoles a les polítiques comunes a les estremaes
estayes que les complementen, fortaleciendo les comunidaes
educatives.
-
Afalar el control
social al financiamientu de la educación.
-
Fortalecer les
movilizaciones mundiales y una educación por una cultura
de xusticia y paz, solidaridá y sustentabilidá nel mundu.
-
Afalar el protagonismu
de los neños, los adolescentes y la mocedá, reconociendo
toles sos identidaes sociales, participantes na
construcción del conocimientu.
Porto Alegre, 31 de
Xunetu del 2004 |
